Port Elizabeth, Talaado, May
13, 2008 Xogta Online
Bismilaahi raxmaani Raxiim
Ujeedo:warsaxaafadeed ka soo baxay
jaaliyadda juboland ee dalka k/afrika.
Shir balaaran oo shalay iskugu yimaadeen magaaladda port Elizabeth
xubnaha jaaliyadda Juboland ee dalka k/afrika ayeey kaga wada hadleen
xaaladda murugsan ee uu marayo wadanka soomaaliya guud ahaan ,iyo isbadalka
cusub ee ka jira degmooyinka juboland ,
Shirkaas waxaa ka soo baxay qodobo dhowr ah oo lagu taageerayo maamulka
cusub ee degmadda afmadow,
1-Waxaan uhambalyeynaynaa maamulka laga dhisay jubooyinka , waxaan kale oon
ku faraxsanahay maamulka oo sheegay in ay ku dhaqmiyaan shareecadda
islaamka , taas oo ah xalka kaliya ee ummadda soomaaliyeed mideen kara ,ee
lagu gaadhi karo wanaag aduun iyo mid aakhiro,
2-Sidoo kale waxaan ugu baaqeynaa goboladda kale dalka soomaaliya in ay
sameystaan maamulo ku dhaqmaya shareecadda islaamka , kana fogaadaan
gaaladda iyo gaalo raacayadda
3-Waxaan kula talineynaa ama ku boorineynaa maamulka cusub ee loo sameyay
jubooyinka ,sedan hoos ku qoran:
a-Adkeynta ku dhaqanka shareecadda islaamka
b-U adeegida ummadda soomaaliyeed ee ku dhaqan jubooyinka
c-Ilaalinta midnimadda beelaha wada dagan jubooyinka
d-Hormarinta nabad galiyadda , caafimaadka ,waxbarashadda, iwm
4-Sidoo kale waxaan oogu baaqeynaa jaaliyaddaha kale ee jubooyinka iney la
garab istaagaan maamulkan cusub waxii eey awoodaan ama hiil & hooba leh
Waxaa na soo gaarsiiyay baaqan walaalaha kala ah:
1-SULDAAN SHIINE ASKAR
2-SHARIIF MAXAMUD MAHDI
3-MAXAMED TUBE SAHAL
Abuu Sumaya
South Africa
|